IDEA Collection by Gino Hotels-ს სლოვაკეთის რესპუბლიკის ტურიზმისა და სპორტის მინისტრი, რუდოლფ ჰულიაკიც, სამინისტროს ოფიციალურ დელეგაციასთან ერთად ეწვია. ვიზიტის ფარგლებში სტუმრებმა დაათვალიერეს Gino Hotels-ის IDEA კოლექცია - სლოვაკური ინვესტიცია, რომელიც საქართველოში განხორციელდა და გაეცნენ სასტუმროს კონცეფციას, მისი განვითარების ისტორიას და გაწეულ მომსახურებას. ჩვენთვის უდიდესი მნიშვნელობა აქვს საქართველოსა და სლოვაკეთს შორის ტურიზმისა და სტუმართმოყვარეობის სფეროში ურთიერთობების გაღრმავებას, გამოცდილების ურთიერთგაცვლას და სამომავლო თანამშრომლობის ახალი შესაძლებლობების შექმნას.მადლობას ვუხდით მინისტრს და დელეგაციის წევრებს ვიზიტისა და საქართველოში განხორციელებული სლოვაკური საინვესტიციო პროექტის მიმართ გამოჩენილი ინტერესისთვის.
