დეველოპერული კომპანია „ Emaar Properties/Eagle Hills “ საქართველოში 6 მილიარდი აშშ დოლარის ინვესტიციას ახორციელებს. კომპანიასა და ქართულ მხარეს შორის თანამშრომლობის მემორანდუმი საქართველოს პრემიერ-მინისტრის, ირაკლი კობახიძის აბუ-დაბიში ვიზიტის დროს გაფორმდა. დოკუმენტს ხელი მოაწერეს პირველმა ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა და აჭარის რესპუბლიკის პრემიერ-მინისტრმა თორნიკე რიჟვაძემ და კომპანიის დამფუძნებელმა და აღმასრულებელმა დირექტორმა მოჰამედ ალი რაშედ ალაბარმა.
„ერთი ინვესტორის მიერ 6 მილიარდის ინვესტიციის გადაწყვეტილება დამოუკიდებელი საქართველოს ისტორიაში არასდროს მომხდარა. უძრავი ქონების ბაზარს ეს საკითხი ძალიან მოეწონება, ის მას სხვა დონეზე გადაიყვანს და სხვა ფოკუსში მოიყვანს. Emaar-ის ლოგოს საქართველოში შემოტანა ასობით ათასი ინვესტორის ყურადღების საქართველოზე გადატანას ნიშნავს. მე ასე ვიტყოდი - კომპანიის მიერ გამოცხადებული ინვესტიციების გარდა, რომლებიც უზარმაზარია, ეს მულტიპლიკატორის როლს შეასრულებს და კიდევ ექვს მილიარდს მოგვიტანს, რადგან სხვა მშენებლებს, დეველოპერებს, სხვა ინვესტორებს შეუძლიათ ჩვენთან მოსვლა და უძრავი ქონების შეძენა საქართველოში“, - განაცხადა საქართველოს პრემიერ-მინისტრმა.
„ ყველა იმ ქვეყანაში, სადაც Emaar-ი შემოვიდა, უძრავი ქონების ფასები და ტრანზაქციების რაოდენობა მომდევნო 2-3 წლის განმავლობაში გაორმაგდა. ეს არის მომხმარებელთა ახალი ჯგუფი, რომელიც საქართველოში ახლო აღმოსავლეთიდან ჩამოვა და საქართველოს უძრავი ქონების ბაზარს კიდევ უფრო მიმზიდველს გახდის. უძრავი ქონების ბაზარი გავლენას ახდენს მთლიან ეკონომიკაზე და დიდ გავლენას ახდენს მასზე. ეს გამოიხატება სამუშაო ადგილების ზრდით, ადამიანების დასაქმებით, ეკონომიკური ზრდით. ვიტყოდი, რომ საქართველოში მსგავსი ტიპის ინვესტორი არასდროს ყოფილა, ეს ისტორიული მოვლენაა და მის შედეგებს ჩვენი ეკონომიკა და ყველა მოქალაქე წელს იგრძნობს“, - განაცხადა ბიზნესმენმა - „არქი ჯგუფის“ დამფუძნებელმა, ბატონმა წულაიამ.
Emaar-ის შესვლა ნიშნავს, რომ საქართველო ბევრი ინვესტორის ყურადღების ცენტრში მოექცევა.
ᲤᲝᲠᲑᲡᲘᲡ ᲨᲣᲐ ᲜᲘᲡᲚᲘ
